REVOLUCIONI PËR GJENERATËN 4.0 – është një dokument i shkurtër politikash që synon të japë rekomandime për përmirësimin e mjedisit të punësimit dhe të vetëpunësimit për Gjeneratën 4.0 në zonën ndërkufitare Shqipëri-Mali i Zi.

Publikimi u përgatit në kuadër të iniciativës #Work4Youth të zbatuar përgjatë 2021-2022. Pas dy vitesh punë intensive dhe mbështetje si pjesë e saj, 32 të rinj me shpirt sipërmarrës nga qarku i Shkodrës, dhe bashkitë e Tivarit, Tuzit dhe Podgoricës janë gati të hyjnë në treg dhe të kontribuojnë me idetë e tyre të biznesit në rritjen e punësimit dhe zhvillimin e komuniteteve të tyre.