C.A.U.S.E. – Përdorimi i Pronave të Konfiskuara për Sipërmarrje Sociale është një projekt që zbatohet nga Partnerët Shqipëri, dhe financohet nga Bashkimi Europian, nëpërmjet Delegacionit të Bashkimit Europian në Shqipëri. C.A.U.S.E. është iniciativa e parë e kësaj natyre në Shqipëri dhe Ballkanin Perëndimor. Ai synon të krijojë një model të mirëpërdorimit të qëndrueshëm të pasurive të konfiskuara nga krimi i organizuar që janë aktualisht nën administrimin e Agjencisë për Administrimin e Pasurive të Sekuestruara dhe të Konfiskuara, nëpërmjet krijimit të sipërmarrjeve sociale nga organizatat e shoqërisë civile.

Përmes CAUSE, janë ngritur tashmë tre sipërmarrje sociale:

KeBuono!” Pastiçeri Sociale, zbatuar nga organizatat “Enti Kombëtar i Jozefinëve të Murialdos-ENGIM” dhe “Qendra Sociale Murialdo”;

KinFolk Library – Kafe Sociale Rinore me impakt në parandalimin e krimit të të rinjve në qytetin e Durrësit, zbatuar nga Fondacioni Arsimor Shqiptar në partneritet me Qendren e Zhvillimit të Shoqërisë Civile (CSDC) Durrës;

Garazhi Social i Artizanatit – Sarandë, zbatuar nga Instituti i Migracionit, Zhvillimit dhe Integrimit.