Partnerët Shqipëri për Ndryshim dhe Zhvillim hap thirrjen për shprehje interesi për OJF, rrjete dhe grupe informale të interesuara për të zhilluar kapacitetet e tyre në lidhje me ndërmarrjen e nismave advokuese dhe lobuese në nivel vendor e qendror.

Ky do të jetë një program intensiv trajnimi dhe mentorimi i cili do të organizohet gjatë muajve korrik – nëntor 2023, në Tiranë.

Programi i Trajnimit do të organizohet në 3 module dy ditore, ndërkohë që në vijim, pjesëmarrësit do të mentorohen individualisht për realizimin e iniciativave të tyre advokuese.

Ky program vjen në vijimësi të punës sonë të gjatë në përkrahje të zhvillimit, qëndrueshmërisë dhe përfshirjes së OJF-ve në proceset politikëbërëse dhe vendimarrëse.

Advokacia dhe pjesëmarrja në këto procese janë thelbësore për angazhimin e shoqërisë civile në mbrojtjen e të drejtave të qytetarëve dhe adresimin e nevojave të tyre tek institucionet në nivel vendor e qendror.

QËLLIMI I PROGRAMIT

Qëllimi i këtij programi është të rrisë kapacitetet e shoqërisë civile në fushën e advokacisë dhe rolin e tyre mbikëqyrës. Programi do të prezantojë njohuri, metoda dhe mjete novatore për t’i ardhur në ndihmë pjesëmarrësve në adresimin e çështjeve që mbeten sfiduese në punën e tyre dhe në hartimin e zbatimin e fushatave advokuese efektive në mbrojtje të interesave të grupeve të ndryshme shoqërore.

PROGRAMI

Programi do të organizohet gjatë muajve korrik – nëntor 2023, në Tiranë, organizuar si më poshtë vijon:

Korrik – Shtator 2023

Zhvillimi i 3 (tre) moduleve dy ditore të trajnimit në çështje si më poshtë:

• Advokasia Bazuar në Evidenca
• Advokasia Kooperuese
• Advokasia Digjitale

Shtator – Nëntor 2023

Seanca individuale mentorimi për të gjithë pjesëmarrësit në Program, lidhur me hartimin dhe zbatimin e fushatave të tyre advokuese.

PROCESI I APLIKIMIT

Të gjithë kandidatët e interesuar për të marrë pjesë në program mund të dërgojnë shprehjen e interesit duke plotësuar formularin e aplikimit dhe dërguar me email në adresën mselamaj@partnersalbania.org, brenda datës 5 korrik 2023.

Programi zhvillohet në kuadër të projektit “Për një shoqëri civile më të fuqizuar, të adaptueshme dhe të qendrueshme” mbështetur financiarisht nga Zyra e Marrëdhënieve me Publikun e Ambasadës së Shteteve të Bashkuara në Tiranë.