Kjo Broshurë është përgatitur nga Partnerët Shqipëri për Ndryshim  dhe Zhvillim. Ajo paraqet sipërmarrje sociale të mbështetura përgjatë viteve përmes  Konkursit Kombëtar të Bizneseve të Gjelbërta në  Shqipëri. Konkursi i Bizneseve të Gjelbërta i  organizuar nga Partnerët Shqipëri që prej vitit 2012, synon të stimulojë e  inkurajojë inovacionin për ide biznesi të gjelbërta në nivel lokal dhe të  hulumtojë rolin e filantropisë në angazhimin e komuniteteve lokale për të  gjeneruar ide biznesi të bazuara në shfrytëzimin e burimeve lokale, ringjalljen  e traditave të prodhimit dhe tregjeve lokale.

Gjatë konkursit, fituesit përzgjidhen midis finalistëve –  përfaqësues të organizatave jofitimprurëse, sipërmarrjeve sociale, sipërmarrjeve  të biznesit të vogël dhe individëve – që konkurojnë në dy fasha kryesore sipas maturimit të idesë: Fasha 1: Ide biznesi në fazë konceptuale Fasha 2: Biznes në fazat e para të zhvillimit Tre fitues në  nivel kombëtar bëhen automatikisht pjesë e konkursit rajonal “Balkan Green  Ideas”, së bashku me fituesit nga Kosova, Serbia, Mali i Zi, Maqedonia e  Veriut, Bosnja dhe Hercegovina dhe Greqia.